Citations Marco Polo

Le seigneur ne prent à ces hommes nul treu, mais leur fait donner du sien.

Et encore leur fait donner de son blé, à ce que il aient que mengier et que semer. Et certes, ce est grant bonté de seigneur.

Encore sachiez que le seigneur a ordené que, par toutes les mestres voies, que vont li marchant et les messages et toutes autres genz, soient planté grans arbres, l’un près de l’autre, à deux ou trois pas ; si que toutes ces voies sont ainsi faites de moult grans arbres l’un près de l’autre, qui se voient moult de loing, à ce que les cheminans ne desvoient de jour ne de nuiz ; car on treuve ces grans arbres par les chemins desers, qui sont moult grant confort aus viandans qui cheminent ; et ce est par toutes les voies que il besoignent.

Il font une boisson de ris avec moult de bonnes espices en telle maniere et si bien que il vaut miex à boivre que nul autre vin ; car il est moult bon et clair et beau.

Car, se vous les mettez ou feu la nuit, vous trouverez au matin le feu ; si qu’elles sont si bonnes que, par toute la province, n’ardent autre chose.

Sachiez que le seigneur, quant il voit qu’il ont habondance de blés et a grant marchié se porvoit il et en fait amasser grandisme quantité par toutes ses provinces, et met en grant maisons, et le fait si bien estuier que il dure bien trois ans ou quatre.